恰似爽膚水那樣水潤的粉底液你用過嗎?很多知名化妝品牌都出了這類產品!可以說這是現在最hit最不可以不試的liquid foundation!不要以為這些粉底液那么水就沒有遮瑕度，小編發現用了不僅僅膚色夠均勻，還又保濕又輕身，超合適春夏天潮濕氣候之下用!

　　今天小編帶大家一起看看這5款大熱粉底液，快快長草吧!

　　IPSA Liquid Light Foundation HK$ 340/25ml

　　包裝設計十足支防曬咁，細細支拎出街帶去旅行都得。上個月先巖巖新出嘅呢款「原透光輕柔粉底液」賣點系利用光源科技提升肌膚剔透光感，涂開真系超級透薄且遮瑕度適中，完妝效果semi-matt，有啲光澤得嚟又唔會「乾爭爭」，總共有6個色調揀，不過小編就嫌#102號色太黃，想有白淨韓妝效果嘅請跳過此色號。

　　遮瑕度：★★☆☆☆

　　完妝感：★★★☆☆

　　價 錢：★★★☆☆

　　Bareminerals Bareskin Pure Brightening Serum Foundation HK$280/30ml

　　上年9月出嘅呢支「礦物面膜粉底液」系品牌首推嘅護膚粉底，成份方面真系冇得輸，無水、無油、無 Parabens 防腐劑、無香料，亦無硅氧樹脂。咁點解無水都可以咁「水感」?因為用左近年美容界備受關注的椰子的萃取物代替，仲話唔會俾水分稀釋粉底入面嘅豐富護膚養份咁話。

　　天然礦物搭配滋養成份令上左妝好似敷住塊面膜咁，聽落有啲夸張不過保濕度又真系唔錯，搽完皮膚好有光澤。遮瑕度原本已經唔錯，但想coverage再勁啲可以配合返支專用粉底掃。

　　遮瑕度：★★★★☆

　　完妝感：★★★★☆

　　價 錢：★★★★☆

　　MAKE UP FOREVER Face & Body Liquid Make-up HK$200/50ml

　　品牌多年前已經出左呢支水狀粉底液，勁有先見之明!含水量高達80%，系咁多支之中最水感最清爽，推開時簡直覺得好似搽緊toner咁，好舒服!話明face & body即系推介你用埋上身，又真系一啲都唔笠，羊負擔都冇。

　　均勻膚色效果都唔錯，但唔好expect咁薄可以幫你遮實深色瑕疵啦!重點系用后好似冇化妝咁自然舒服，但望落又滑左精神左，好巖勁怕焗住塊面嘅朋友，同埋唔系好受得住上粉但又貪靚嘅男仔!

　　遮瑕度：★★☆☆☆

　　完妝感：★★★☆☆

　　價 錢：★★★★★

　　NARS All Day Luminous Weightless Foundation HK$460/30ml

　　上次同大家比拼遮瑕膏NARS真系贏曬咁濟，令小編對品牌嘅好感度大增。今次佢都同樣系coverage方面最出色，不過如果要斗清爽同水感就唔夠勁喇，而且價錢都系一貫偏貴。上粉之后小編覺得要再上碎粉先可以令底妝keep得好啲，如果本身瑕疵比較多又想試試水感粉底嘅朋友就可以揀呢款。

　　遮瑕度：★★★★★

　　完妝感：★★★☆☆

　　價 錢：★★☆☆☆

　　YSL Le Teint Encre De Peau HK$550/25ml

　　雖然有網民批評用支棍仔拎粉底出嚟又唔衛生又剩，但小編認為冇羊問題，仲覺得包裝設計好有心思!因為拎出嚟嘅粉量真系巖巖好架!有時個妝夠唔夠貼服持久就喺爭果少少用量問題，所以，真心讚!遮瑕度唔錯，妝效又自然，重點系搽完之后塊面真系好滑，好滑，好滑，好滑呀!唔駛再上碎粉都得，忍唔住講多次，真系好滑!不過小編唔可以顯得咁偏心架，大家自己去專柜試試再決定啦!

　　遮瑕度：★★★★☆

　　完妝感：★★★★★

　　價 錢：★☆☆☆☆